AL-BAQARAH
AYAT 1
Foto Asli Kitab Bahasa Jawa Aksara Pegon
Sumber: Kitab Al-Ibrish Jilid
꧌ꦨꦱꦗꦮꦕꦫꦑꦟ꧀꧍
꧁ꦄꦭ꧀ꦧꦑ꦳ꦺꦴꦫꦺꦴꦃ꧌ꦱꦥꦶ꧍ꦄꦪꦠ꧀ ꧇꧑꧇꧂
꧋ꦄꦭꦶꦥ꦳꧀ꦭꦩ꧀ꦩꦶꦩ꧀꧈ꦭꦤ꧀ꦈꦒꦲꦸꦫꦸꦥ꦳꧀ꦲꦸꦫꦸꦥ꦳꧀ꦏꦁꦢꦢꦶꦏꦮꦶꦠꦤ꧀ꦤꦺꦱꦸꦫꦃꦏꦪ꧊ꦏ꦳ꦺꦴꦥ꦳꧀꧊꧈꧊ꦤꦸ
ꦤ꧀꧊꧈꧊ꦰ꦳ꦞ꧊ꦭꦤ꧀ꦭꦶꦪꦭꦶꦪꦤꦺꦆꦏꦸꦲꦺꦴꦫꦲꦤꦏꦁꦥꦶꦂꦱꦠꦼꦒꦼꦱ꧀ꦱꦼꦏꦗꦧꦄꦭ꧀ꦭꦃꦡꦄꦭꦣꦺꦮꦺ꧈ꦩꦔ꧀ꦏꦺꦴꦤꦺꦴꦩꦸꦔ꧀ꦒꦸꦃꦣꦮꦸꦃꦲꦺꦈꦭꦩꦈꦭꦩꦱꦭꦥ꦳꧀꧉ꦱꦮꦼꦤꦶꦃꦈꦭꦩꦲꦤ
ꦏꦁꦢꦸꦮꦺꦥꦤꦼꦩꦸꦪꦺꦤꦴꦭꦶꦥ꦳꧀ꦲꦶꦏꦸꦠꦼꦒꦼꦱ꧀ꦱꦺꦄꦭ꧀ꦭꦃ꧈ꦭꦩ꧀ꦠꦼꦒꦼꦱ꧀ꦱꦺꦭꦡꦶꦦ꦳꧈ꦩꦶꦩ꧀ꦠꦼꦒꦼ
ꦱ꧀ꦱꦺꦩꦗꦶꦢ꧀꧈ꦢꦢꦶꦄꦭꦶꦥ꦳꧀ꦭꦩ꧀ꦩꦶꦩ꧀ꦆꦏꦸꦫꦸꦩꦸꦱ꧀ꦏꦁꦠꦼꦒꦼꦱ꧀ꦱꦺꦄꦭ꧀ꦭꦃꦡꦄꦭꦆꦏꦸꦩꦲ
ꦮꦼꦭꦯ꧀ꦭꦤ꧀ꦩꦲꦄꦓꦸꦁ꧉ꦱꦮꦼꦤꦶꦃꦈꦭꦩꦩꦤꦺꦃꦲꦤꦏꦁꦢꦸꦮꦺꦥꦤꦼꦩꦸꦪꦺꦤꦴꦭꦶꦥ꦳꧀ꦭꦩ꧀ꦩꦶꦩ꧀ꦆ
ꦏꦸꦩꦶꦤꦔ꧀ꦏꦏꦔ꧀ꦒꦺꦴꦮꦶꦮꦶꦠ꧀ꦠꦤ꧀ꦝꦮꦸꦃꦱꦥꦼꦂꦭꦸꦩꦸꦤ꧀ꦝꦸꦠ꧀ꦥꦼꦂꦲꦠꦶꦪꦤ꧀ꦤꦺꦩꦤꦸꦔ꧀ꦱ꧈ꦈꦩ꧀ꦥꦩꦤꦼꦩ
ꦔ꧀ꦏꦺꦴꦤꦺꦴ;ꦤꦭꦶꦏꦲꦉꦥ꧀ꦢꦶꦲꦤꦏ꧀ꦲꦏꦺꦫꦥꦠ꧀꧈ꦤꦭꦶꦏꦮꦺꦴꦁꦮꦺꦴꦁꦮꦶꦱ꧀ꦥꦣꦲꦝꦶꦂꦏ
ꦧꦺꦃꦧꦶꦪꦱꦤꦺꦥꦣꦲꦺꦴꦩꦺꦴꦁꦲꦺꦴꦩꦺꦴꦁꦔꦤꦣꦺꦮꦺꦣꦺꦮꦺ꧈ꦪꦺꦤ꧀ꦥꦶꦩ꧀ꦥꦶꦤ꧀ꦤꦤꦿꦥ
ꦠ꧀ꦲꦸꦗꦸꦒ꧀ꦲꦸꦗꦸꦒ꧀ꦧꦚ꧀ꦗꦹꦂꦥꦶꦣꦠꦺꦴ꧈ꦩꦼꦱ꧀ꦠꦶꦤꦺꦲꦺꦴꦫꦎꦭꦺꦃꦥꦼꦂꦲꦠꦶꦪꦤ꧀ꦱꦏꦲꦝꦶꦂꦫꦶ
ꦤ꧀꧈ꦤꦔꦶꦁꦪꦺꦤ꧀ꦥꦶꦩ꧀ꦥꦶꦤ꧀ꦤꦤꦿꦥꦠ꧀ꦱꦏ꧀ꦢꦸꦫꦸꦁꦛꦺꦩꦶꦮꦶꦠ꧀ꦠꦶꦒꦸꦤꦼꦩ꧀ꦩꦤ꧀ꦤꦸꦭꦶꦤꦸꦛꦸꦏ꧀ꦩꦺꦗꦤꦺꦣꦶ
ꦛ꧀ꦔꦼꦤ꧀꧌ꦣꦸꦒ꧀꧈ꦣꦸꦒ꧀꧈ꦣꦸꦒ꧀꧍ꦆꦏꦸꦧꦶꦪꦱꦤꦺꦲꦝꦶꦂꦫꦶꦤ꧀ꦧꦚ꧀ꦗꦸꦂꦲꦔ꧀ꦒꦠꦺꦏ꧀ꦲꦏꦼꦤ꧀꧉ꦱ
ꦏ꧀ꦧꦏ꧀ꦝꦤꦺꦲꦝꦶꦂꦫꦶꦤ꧀ꦲꦔ꧀ꦒꦠꦺꦏ꧀ꦲꦏꦺꦤ꧀꧈ꦭꦒꦶꦏꦼꦠꦸꦮꦫꦥꦠ꧀ꦩꦶꦮꦶꦠ꧀ꦠꦶꦥꦶꦣꦠꦺꦴꦤꦺ꧈
ꦱꦼꦩꦺꦴꦤꦺꦴꦈꦒꦄꦭꦶꦥ꦳꧀ꦭꦩ꧀ꦩꦶꦩ꧀ꦤꦭꦶꦏꦮꦺꦴꦁꦮꦺꦴꦁꦭꦒꦶꦥꦣꦏꦼꦛꦸꦔ꧀ꦏꦸꦭ꧀ꦝꦸꦩꦣꦏꦤ꧀ꦏꦿꦸꦔꦸꦱ꧀ꦮꦫ
ꦏꦁꦲꦺꦴꦫꦢꦶꦔꦼꦂꦠꦺꦤꦶꦠꦼꦒꦼꦱ꧀ꦱꦺ꧌ꦄꦭꦶꦥ꦳꧀ꦭꦩ꧀ꦩꦶꦩ꧀꧍ꦤꦸꦭꦶꦥꦣꦩꦣꦼꦥ꧀ꦲꦁꦒꦠꦺꦏ꧀ꦲꦏꦼ
ꦤ꧀꧉ꦱꦮꦶꦱ꧀ꦱꦺꦭꦒꦶꦢꦶꦣꦮꦸꦃꦲꦶꦢ꦳ꦴꦭꦶꦏꦭ꧀ꦏꦶꦠꦧ꧀ ꧌ꦭꦤ꧀ꦱꦠꦼꦫꦸꦱ꧀ꦱꦺ꧍꧉
Basa Jawi Aksara Latin
Al Baqarah (Sapi)
Ayat 1
Alif Lam Mim lan uga huruf-huruf kang dadi kawitane surah kaya Qof, Nun, Shod, lan liya-liyane iku ora ana kang pirsa tegese kejaba Allah Ta'ala dhewe, mangkono mungguh dhawuhe ulama-ulama Salaf. Sawenih ulama ana kang duwe panemu yen Alif iku tegese Allah, Lam tegese Latif, Mim tegese Majid, dadi Alif Lam Mim iku rumus kang tegese Allah Ta'ala iku Maha Welas lan Maha Agung. Sawenih ulama maneh ana kang duwe panemu yen Alif Lam Mim iku minangka kanggo wiwitan dhawuh, saperlu mundhut perhatiane manungsa. Umpamane mangkono: nalika arep dianakake rapat, nalika wong-wong wis padha hadhir kabeh, biasane padha omong-omongan dhewe-dhewe, yen pimpinan rapat ujug-ujug banjur pidhato, mestine ora oleh perhatian saka para hadhirin. Nanging yen pimpinan rapat sakdurunge miwiti guneman nuli nuthuk mejane dhingen "dhuk, dhuk, dhuk" iku biyasane hadhirin banjur nggatekaken. Sakbakdane hadhirin nggatekaken, lagi ketua rapat miwiti pidhatone. Semono uga Alif Lam Mim, nalika wong-wong lagi padha kethungkul, dhumadakan krungu suara kang ora dingerteni tegese (Alif Lam Mim) nuli padha madhep nggatekaken. Sakwise, lagi didhawuhi dzaalikal kitab (lan sateruse).
Bahasa Indonesia Huruf Latin
Al Baqarah (Sapi)
Ayat 1
Alif Lam Mim dan juga huruf-huruf yang menjadi awalan surat seperti Qof, Nun, Shod, dan sebagainya itu tidak ada yang mengetahui maknanya kecuali Allah Ta'ala sendiri, begitulah menurut perkataan para ulama salaf. Beberapa ulama ada yang berpendapat bahwa Alif itu bermakna Allah, Lam itu bermakna Latif, Mim bermakna Majid, jadi Alif Lam Mim itu sebuah rumusan yang bermakna Allah Ta'ala itu Maha Pengasih dan Maha Agung. Beberapa ulama lagi ada yang berpendapat bahwa Alif Lam Mim adalah sesuatu untuk pembukaan sebuah perkataan (Firman, pent) yang bertujuan untuk mengambil perhatiannya manusia. Perumpamaannya itu adalah: tatkala akan diadakan rapat, tatkala orang-orang sudah hadir semuanya, biasanya mereka saling berbicara sendiri, kalau pimpinan rapat tiba-tiba langsung berpidato, pastinya tidak mendapatkan perhatian dari para hadirin, akan tetapi apabila pimpinan rapat sebelum memulai pembicaraan memukul mejanya dengan keras "dhug, dhug, dhug" seperti itu, biasanya para hadirin langsung menaruh perhatian, kemudian ketua rapat barulah dapat memulai pidatonya. Begitu pula dengan Alif Lam Mim, tatkala orang-orang sedang terlena tiba-tiba mendengar suara yang tidak difahami maknanya (Alif Lam Mim) sehingga semua menaruh perhatian untuk memperhatikan. Kemudian setelahnya barulah diberikan nasihat dzaalikal kitab (dan seterusnya).
|
0 komentar:
Posting Komentar